Выстава "Перазоў стагоддзяў:1812-2012" адкрылася 2 кастрычніка ў галерэі TUT.BY

Першай залай, якая прыняла выставу «Перазоў стагоддзяў: 1812-2012» у Мінску, стала галерэя TUT.BY. У экспазіцыю ўвайшло каля 40 работ, напісаных у розных тэхніках і жанрах беларускімі, расійскімі і ўкраінскімі мастакамі.

Дадзеная выстава з'яўляецца вынікам гадавога міжнароднага праекта «Пераклічка стагоддзяў: 1812-2012». Гасцей віталі каардынатар праектаў Беларускага зялёнага крыжа Наталля СВЯТКІНА, намеснік кіраўніка Расійскага цэнтра навукі і культуры ў Менску, першы сакратар Пасольства Расійскай Федэрацыі ў Рэспубліцы Беларусь Алена МАСЛАВА, уладальнік клуба-сядзібы «Бівак» з Барысава Сяргей ТОЛСЦІК і кіраўнік мастацкай групы праекта, выкладчык Магілёўскай гарадской дзіцячай мастацкай школы Дзмітрый ПУХОЎСКІ.

У сваім выступе Алена МАСЛАВА адзначыла актуальнасць і запатрабаванасць мастацкай творчасці маладых і прапанавала правесці выставу праекта «Пераклічка стагоддзяў» у Расійскіх цэнтрах навукі і культуры ў розных гарадах Расіі, у краінах СНД, а таксама ў Францыі, Італіі і Германіі.

Музычнае суправаджэнне выставе падарыла легендарная мінская імправізацыйная група «Князь Мышкін».

На заканчэнні цырымоніі адбылася прэм'ера відэафільма Вольгі СВІРЫДАВАЙ і Сямёна ШАЎЦОВА «Перазоў стагоддзяў: 1812-2012».

Глядзець відэафільм

Глядзець экспазіцыю

Глядзець відэаінтэрв'ю з удзельнікамі праекта

Выстава  працягнецца да 23 кастрычніка.

Далей выстава будзе праходзіць у наступных месцах:

25 кастрычніка - 30 лістапада
Гарадская Ратуша (Музей гісторыі горада Мінска), г.Мінск, пл.Свабоды. 2А

10 лістапада - 30 лістапада
Рэспубліканскі эколага-біялагічны цэнтр, г. Мінск, вул. Макаёнка, 8

19 снежня - 10 студзеня Магілёўскі абласны мастацкі музей ім. П.В. Масленікава, г.Магілёў, вул. Міронава, 33