"Выбітныя знакамітыя і невядомыя мастакі" (г.Рыбнік, Польшча)

Моладзевы культурны клуб у Рыбніку (Польшча) запрашае ўсіх прыняць удзел у 12-м Міжнародным мастацкім конкурсе "Выбітныя знакамітыя і невядомыя".

Тэрмін падачы работ скончыўся.

МЭТЫ:

• Прэзентацыя творчасці дзяцей і моладзі.
• Папулярызацыя ведаў пра гісторыю мастацтва, знаёмства удзельнікаў конкурсу з выбітнымі мастакамі.
• Магчымасць абмену мастацкім, метадычным і эстэтычным досведам.
• Развіццё чуйнасці да мастацтва сярод моладзі.

ТЭМА ГЭТАГА ГОДА: "АЛЬФОНС МУХА – КАЗКА МАДЭРНА"

Гэта яшчэ адзін год нашага агульнага падарожжа ў свет мастацтва і мастакоў. Разам з вамі мы адкрыем яшчэ аднаго выбітнага майстра і праз нашыя работы падзелімся адзін з адным нашымі ведамі. У гэтым годзе наш герой – чэшскі графік і жывапісец, адна з асноўных фігур стыля мадэрн – АЛЬФОНС МУХА.

Акуніцеся ў ягоны каляровы, казачны свет. Пазнаёмціся з жывапіснымі творамі, гравюрамі і фатаздымкамі – выдатнымі прыкладамі, што ілюструюць эпоху fin de siècle – канца стагоддзя. Прасачыце ягонае авантурнае жыццё ў Празе, Мюнхене, Вене, Парыжы і Амерыцы. Узгадайце пра людзей, якіх ён сустракаў на сваім жыццёвым шляху: Сару Бернар – актрысу, для якой ён ствараў касцюмы, афішы і дэкарацыі, Поля Гагена – мастака, з якім ён працаваў у адной майстэрні, мастака Джэймса Уістлера, з якім Муха заснаваў школу жывапісу. Узгадайце таксама пра ягоную сям’ю і сяброў. Не забывайцеся, якое важнае месца ў ягонай працы займаў камерцыйны дызайн – афішы, календары, меню, паштоўкі, вокладкі для кніг, часопісаў. Усё гэта – сапраўдныя пярліны стылю мадэрн. Не забудзьцеся таксама пра ягоную вялікую справу – “Славянскую эпапею”. Уявіце чалавека, які стварыў казку мадэрна.

НЕ КАПІРУЙЦЕ РАБОТЫ МАСТАКА – няхай яны стануць толькі натхненнем для вашых уласных ідэяў!!!

УЗРОСТ УДЗЕЛЬНІКАЎ: от 5 до 21 (узроставыя групы: да 7 год, 8-11 год , 12-15 год, 16-21 год).

ПАМЕР: min 30x42 cm - max 70x100 cm

ТЭХНІКА: малюнак, жывапіс, графіка, смяшаныя тэхнікі.

АПОШНІ ТЭРМІН ПАДАЧЫ РАБОТ: да 29 лютага 2012 года.

Работы павінны быць падпісаныя лацінскімі літарамі на адваротным баку і ўтрымліваць наступныя звесткі:

• Прозвішча і імя аўтара, яго ўзрост.
• Адрас, кантактны тэлефон і e-mail месца творчасці.
• Прозвішча, імя, імя па бацьку выкладчыка, яго кантактны тэлефон і e-mail.

КАЛІ ЛАСКА, НЕ АФАРМЛЯЙЦЕ РАБОТЫ Ў ПАСПАРТУ І НЕ СКРУЧВАЙЦЕ ІХ!

Цырымонія ўзнагароджання і адкрыццё выставы адбудуцца ў чэрвені 2012 года.

УСЕ АЎТАРЫ РАБОТ, ШТО ПЕРАМОГУЦЬ У КОНКУРСЕ, БУДУЦЬ АПАВЕШЧАНЫЯ ПА ПОШЦЕ ЦІ ТЭЛЕФОНЕ.

Усе дасланыя на конкурс работы пераходзяць ва ўласнасць арганізатараў і не вяртаюцца аўтарам.

АДРАС:

MŁODZIEŻOWY DOM KULTURY
UL. BRONIEWSKIEGO 23,
44-217 RYBNIK, Polska

Телефоны: 0-32 4215155, fax: 0-32 4224088,
e-mail:  This e-mail address is being protected from spambots. You need JavaScript enabled to view it.
www.mdk.hg.pl

Конкурс праводзіцца пры падтрымцы сілезскага кіраўніка службы агульнаадукацыйнай падрыхтоўкі і мэра Рыбніка.