Перазоў стагоддзяў: Першая сусветная вайна і мір сёння

Грамадская арганізацыя «Беларускі зялёны крыж» пры падтрымцы Міністэрства культуры Рэспублікі Беларусь абвяшчае Міжнародны культурна-асветніцкі праект «Перазоў стагоддзяў: Першая сусветная вайна і мір сёння», прысвечаны 100-годдзю з пачатку Першай сусветнай вайны.

У гісторыі цывілізацыі ёсць вехі – падзеі, якія драматычна змяняюць яе далейшы лёс. Каб зразумець, што ж змянілася, і куды павярнуў шлях чалавецтва, патрэбна адлегласць, мабыць, у сто гадоў. Падзеі гэтыя даходзяць да нас праз гістарычныя працы, хроніку, успаміны сучаснікаў. Але нічога лепей за літаратуру і мастацтва не можа перадаць дух часу, яго спадзевы і адчай, памылкі і знаходкі, вобразы людзей, якія папярэднічалі нам, і самое жыццё на гэтай зямлі.

Адна з такіх падзей – Першая сусветная вайна. Эпоха мадэрна, індустрыялізацыі, урбанізацыі, спекуляцыі, новых літаратуры і мастацтва, развіцця дзяржаўных інстытутаў, выхада на арэну шырокіх мас, рацыянальнага пераўладкавання жыцця. І раптам – вайна…

Першая сусветная вайна – гэта нагода зазірнуць у зусім блізкае мінулае, зразумець, як і чаму мы апынуліся на раздарожжы. Без яе былі б немагчымыя рэвалюцыя, грамядзянская вайна, белы і чырвоны тэрор і ўся чарада далейшых выпрабаванняў. Але тая эпоха – гэта не толькі вайна, гэта культурны выклік. Ён так блізка, што ў кожным родзе і ў кожным пакаленні мы адчуваем яго.

МЭТЫ ПРАЕКТА:

• Павысіць цікавасць грамадства да літаратуры і мастацтва, сусветнай класікі, іх ролі ў культурным і духоўным пошуку адказаў на выклікі мінулага і сучаснасці.
• Звязаць пакаленні праз гісторыю, традыцыйныя каштоўнасці, сумесную творчую і культурна-асветніцкую дзейнасць.
• Аб'яднаць творчых людзей і арганізацыі для стварэння агульнай культурнай прасторы.
• Дапамагчы пабачыць людзям, што вайна і гвалт – не выйсце са складаных сітуацый і не вырашаюць ні мясцовых, ні глабальных праблем, але ўзмацняюць іх.

У праекце возьмуць удзел маладыя мастакі і дасведчаныя майстры з розных краін. Жывапісцы будуць працаваць на месцах падзей, а таксама рыхтаваць сюжэтныя кампазіцыі па тэме. Графікі створаць серыю ілюстрацый да твораў сусветнай класікі, што адлюстроўваюць эпоху Першай сусветнай. Падчас летніх творчых майстэрняў удзельнікі праекта пазнаёмяцца з падзеямі вайны, гісторыяй і культурай пачатку ХХ стагоддзя – філасофіяй, літаратурай, мастацтвам. Вынікам працы мастакоў стане серыя перасоўных выставаў.

Глядзець умовы ўдзелу ў праекце для мастакоў

Адначасова будзе падрыхтавана музейна-бібліятэчная праграма, задача якой – стварыць цыкл культурна-асветніцкіх мерапрыемстваў, прымеркаваных да перасоўных выставаў: кніжныя экспазіцыі, літаратурныя чытанні, музычныя вечары, дэманстрацыя відэа і фота-прэзентацый, хронік і мастацкіх фільмаў, тэатральныя паказы, выступленні гісторыкаў, філосафаў, літаратуразнаўцаў і навукоўцаў, абмеркаванні і дыскусіі.

Глядзець умовы ўдзелу ў праекце для бібліятэк і музеяў

АСНОЎНЫЯ ПАДЗЕІ ПРАЕКТА:

• міжнародныя летнія творчыя майстэрні;
• міжнародныя грамадска-навуковыя чытанні;
• конкурс эсэ;
• работа выставачнай камісіі над фарміраваннем выніковай экспазіцыі;
• серыі перасоўных выставаў і культурна-асветніцкіх мерапрыемтсваў у музеях і бібліятэках;
• літаратурныя чытанні.

Абапіраючыся на творчыя сілы і ініцыятыву ўдзельнікаў і партнёраў, праект плануе ахапіць шырокую аўдыторыю у СНД і іншых краінах і забяспечыць грамадскі рэзананс на ўзнятую тэму.

Партнёры праекта

ІНФАРМАЦЫЯ ПРА ПРАЕКТ:

Дапаможныя матэрыялы, навіны праекта, а таксама іншая карысная інфармацыя будуць знаходзіцца на сайтах грамадскай арганізацыі Беларускі зялёны крыж www.greencross.by, Міжнароднага мастацкага праекта «На сваёй зямлі» www.art-dialog.net, а таксама на старонцы праектаwww.facebook.com/Dialogue.of.Centuries.

Праект адкрыты для прапановаў і ініцыятываў. Калі вы зацікавіліся тэмай, падзяляеце мэты праекта і жадаеце супрацоўнічаць, калі ласка, звяртайцеся да каардынатара праекта Наталлі Аляксееўны СВЯТКІНАЙ па тэлефонах +375 29 667 57 80, +375 17 210 00 62 альбо па электроннай пошце  This e-mail address is being protected from spambots. You need JavaScript enabled to view it. .