Вынікі конкурсаў "На сваёй зямлі" ужо на сайце

Надышоў час абвясціць вынікі трох конкурсаў Міжнароднага мастацкага паректа "На сваёй зямлі". Дзякуем усім удзельнікам і віншуем пераможцаў!

На 18-ы Міжнародны конкурс жывапісу і графікі «На сваёй зямлі» было даслана 6057 работ з 16 краін: Балгарыя, Беларусь, Венгрыя, Германія, Індыя, Казахстан, Кітай, Кыргызстан, Літва, Македонія, Малдова, Польшча, Расія, Сербія, Славенія, Турцыя. Па выніках прагляду журы 193 работы былі ўзнагароджаны Дыпломамі лаўрэата з медалём, 400 работ – Дыпломамі лаўрэата, 873 работы атрымалі Дыпломы. Таксама былі прысуджаны Асобы дыплом ад арганізатараў конкурсу і Спецыальныя дыпломы ад членаў журы.

Глядзець вынікі конкурса жывапісу і графікі

На 8-ы Міжнародны конкурс мультыплікацыі і дыяфільмаў "На сваёй зямлі" было пададзена 107 заявак, з іх 103 мультфільмы і 2 дыяфільмы з Беларусі, Расіі і Турцыі. 52 мультфільмы і 2 дыяфільмы прайшлі ў асноўны конкурсны паказ. Па выніках работы журы Гран-пры было прысуджана мультфільму з Расіі, 7 мультфільмаў былі ўзнагароджаны Дыпломамі лаўрэата з медалём, 11 мультфільмаў і 1 дыяфільм - Дыпломамі лаўрэата, 33 мультфільмы і 1 дыяфільм атрымалі Дыпломы.

Глядзець вынікі конкурса мультыплікацыі і дыяфільмаў

У гэтым годзе быў праведзены 1-ы Міжнародны конкурс фатаграфіі. Журы конкурса разгледзела 127 фотаработ з Беларусі, Расіі, Польшчы і Ірана ў 7 намінацыях: графіка, пейзаж, партрэт, нацюрморт, стрыт фота, чорна-белае фота, макрафатаграфія. У выніку 13 фотаработ былі ўзнагароджаны Дыпломамі лаўрэата з медалём, 21 работа - Дыпломамі лаўреата, 19 работ атрымалі Дыпломы. Таксама былі прысуджаны спецыяльныя і асабістыя дыпломы ад членаў журы.

Глядзець вынікі конкурса фатаграфіі

Работы пераможцаў можна будзе ўбачыць на выніковай выставе, якая размесціцца ў галерэі цэнтра "Экалогія і здароўе". Адкрыццё выставы і ўзнагароджванне пераможцаў адбудзецца 29 красавіка 2023 г.

Калі вы хочаце прыняць удзел у цырымоніі ўзнагароджвання, звяжыцеся з арганізатарамі па пошце  This e-mail address is being protected from spambots. You need JavaScript enabled to view it. або па тэлефоне +375 29 989 98 18 (Ларыса).

Узнагароды пераможццам. якія не змогуць прыняцб удзел у цырымоніі ўзнагароджвання, будуць разасланыя да 1 ліпеня 2023 года.

*Малюнак «Захавальнікі часу», Кротава Таццяна, 13 гадоў (г. Рэчыца, Беларусь). Дыплом 17-га Міжнароднага конкурсу жывапісу і графікі «На сваёй зямлі» (2022)