7-я Міжнародная канферэнцыя мастакоў-педагогаў “Сучасная мастацкая адукацыя дзяцей і моладзі”

Канферэнцыя пройдзе ў Мінску з 3 па 7 лютага 2016 г. адразу пасля заканчэння работы журы 11-га Міжнароднага конкурса жывапісу і графікі “На сваёй зямлі”

Запрашаем да ўдзелу педагогаў і выкладчыкаў выяўленчага мастацтва, кіраўнікоў мастацкіх навучальных устаноў, мастацтвазнаўцаў, выдаўцоў, а таксама ўсіх зацікаўленых.

Задачы канферэнцыі:

• абмеркаваць актуальныя пытанні мастацкай адукацыі;
• прадаставіць пляцоўку для абмена вопытам практыкуючых педагогаў;
• наладзіць супрацоўніцтва паміж мастацкімі навучальнымі ўстановамі.

Новая тэма канферэнцыі – мультыплікацыя і асаблівасці стварэння анімацыйных фільмаў. Як і ў папярэднія гады, асноўная ўвага будзе нададзена мастацкай частцы гэтага працэса.

Праграма канферэнцыі традыцыйна будзе ўключаць:

• аглядны блок, куды войдуць даклады аб аматарскіх анімацыйных студыях, прадстаўленне анімацыйных школ і студый, навучальных устаноў мастацкага профіля і мастацкіх студый, якія даслалі работы на конкурс “На сваёй зямлі”;
• практычны блок: цыкл тэматычных майстар-класаў “Вырашылі рабіць мульцік! З чаго пачаць?”, майстар-класы па розных накірунках мастацкай адукацыі;
• дыскусійны блок – выступы ўдзельнікаў канферэнцыі па акуальных пытаннях, абмеркаванне спадчыны выбітных мастакоў-педагогаў.

Праграма канферэнцыі таксама прадугледжвае наведванне навучальных устаноў мастацкага профіля г. Мінска, музееў, галерэй, мастацкіх выстаў.

Заяўку на ўдзел у канферэнцыі можна даслаць па адрасе This e-mail address is being protected from spambots. You need JavaScript enabled to view it. да 20.01.2016 г.

У заяўцы трэба пазначыць:

1. Прозвішча, імя, імя па бацьку;
2. Назву установы, якую Вы прадстаўляеце;
3. Пасаду;
4. Кантактны паштовы адрас;
5. Кантактны тэлефон;
6. Адрас электроннай пошты.

Арганізатар канферэнцыі:

Партнёры:

• Міжнародны зялёны крыж
• Швейцарскі зялёны крыж
• Расійскі зялёны крыж
• Рэспубліканскі цэнтр экалогіі і краязнаўства
• МТАА “Саюз мастакоў-педагогаў”