III Міжнародная канферэнцыя мастакоў-педагогаў "Сучасная мастацкая адукацыя дзяцей і моладзі"

У рабоце канферэнцыі, што праходзіла 8-10 лютага 2012 года ў межах Міжнароднага мастацкага праекта "На сваёй зямлі", прыняло ўдзел больш за 100 спецыялістаў у галіне культуры і мастацкай адукацыі з Беларусі, Расіі, Украіны, Грузіі: кіраўнікоў студый, педагогаў і дырэктараў мастацкіх школ і вучэльняў, выкладчыкаў мастацкіх факультэтаў, супрацоўнікаў музеяў.

Двухдзёная праграма канферэнцыі складалася з некалькіх тэматычных блокаў:

• Аглядны блок (прэзентацыі мастацкіх навучальных установаў, выданняў пра мастацтва, міжнародных мастацкіх конкурсаў і праектаў).
• Метадычны блок (прэзентацыі метадычных распрацовак па выкладанні кампазіцыі).
• Дыскусійны блок (выступы ўдзельнікаў канферэнцыі на актуальныя тэмы).
• Музейна-педагагічны блок (выступы супрацоўнікаў мастацкіх музеяў і галерэй, прысвечаныя музейнай педагогіцы і супрацоўніцтву музееў з мастацкімі навучальнымі ўстановамі).

Глядзець змест канферэнцыі...

У межах канферэнцыі ў галерэі Рэспубліканскага экалагічнага цэнтра дзяцей і юнацтва адкрылася выстава графічных, жывапісных і дэкатарыўных работ мастакоў-педагогаў з  Беларусі, Расіі і Украіны.

У дадатковы дзень канферэнцыі 10 лютага ўдзельнікі наведалі Дзяржаўны мастацкі каледж імя А.К. Глебава, а таксама выставы ў галерэях і музеях Мінска.

Канферэнцыя дала магчымасць педагогам з розных краін сустрэцца, абмеркаваць сітуацыю, што склалася ў сферы сучаснай мастацкай адукацыі, абмяняцца досведам і метадычнымі напрацоўкамі, наладзіць новыя кантакты. Удзельнікі канферэнцыі атрымалі альбом-каталог выставачных работ “На сваёй зямлі”, які будзе выдатным метадычным матэрыялам ў школах і студыях.

Глядзець фотарэпартаж...

МЫ ЎДЗЯЧНЫЯ ЎСІМ УДЗЕЛЬНІКАМ КАНФЕРЭНЦЫІ ЗА ЦІКАВАСЦЬ ДА ПРАЕКТА
І ЗА ЦЁПЛЫЯ ВОДГУКІ ПРА ПРАЦУ АРГАНІЗАТАРАЎ!

НАШЫ ПАРТНЁРЫ:

Міжнародны зялёны крыж
Швейцарскі зялёны крыж
Расійскі зялёны крыж
Міністэрства культуры Рэспублікі Беларусь
Міністэрства адукацыі Рэспублікі Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Рэспубліканскі экалагічны цэнтр дзяцей і юнацтва
Выдавецтва "Белпрынт"