Конкурсныя работы разглядалі 13 прафесійных мастакоў, педагогаў і мастацтвазнаўцаў з Беларусі, Расіі, Украіны. Журы працавала з 1 па 4 лютага ў адукацыйным цэнтры Беларускага зялёнага крыжа.

Усім удзельнікам праекта "На сваёй зямлі" раім пазнаёміцца з размешчанымі на сайце артыкуламі прафесара Карлава універсітэта ў Празе Веры РАЕСЕЛАВАЙ пра дзіцячую творчасць і мастацкую адукацыю. Асабліва гэтая інфармацыя будзе карысная тым, хто плануе браць удзел у педагагічным семінары і Міжнароднай канферэнцыі матстакоў-педагогаў на пачатку лютага.

Да дзесяцігоддзя Міжнароднага конкурсу жывапісу і графікі «На сваёй зямлі» рыхтуецца выданне юбілейнага каталога. У яго ўвойдуць больш за 600 прац, што былі пераможцамі конкурсу на працягу 10-ці гадоў.

У апошні дзень работы журы, 5 лютага, у адукацыйным цэнтры Беларускага зялёнага крыжа адбудзецца педагагічны семінар з удзелам прафесара Карлава універсітэта ў Празе і Пражскай Акадэміі фатаграфіі і кіно Веры РАЕСЕЛАВАЙ.

6-я Міжнародная канферэнцыя мастакоў-педагогаў "Сучасная мастацкая адукацыя дзяцей і моладзі" пройдзе ў Мінску з 6 па 7 лютага 2015 года, адразу па заканчэнні работы журы 10-га Міжнароднага конкурсу жывапісу і графікі "На сваёй зямлі".