Чытанні, што праходзілі 14-15 кастрычніка ў Мінскай абласной бібліятэцы імя А.С. Пушкіна, сабралі каля 100 удзельнікаў, сярод якіх былі краязнаўцы, экскурсаводы, прадстаўнікі бібліятэк, музееў і навучальных устаноў, студэнты і іншыя зацікаўленыя ў даследванні тэмы людзі.

Шаноўныя ўдзельнікі конкурсу! У гэтым годзе ў нас невялічкае свята – акурат 10 год нашага з Вамі сяброўства і творчага супрацоўніцтва. Мы вельмі радыя, што ўвесь гэты час Вы застаецеся з намі і падтрымліваеце конкурс сваймі цудоўнымі работамі, свежымі думкамі і добрымі словамі! Мы зноў чакаем сустрэчы з Вамі і нагадваем пра некаторыя арганізацыйныя моманты.

Больш за сорак творчых работ з трох краін – Беларусі, Расіі і Малдовы – прынялі ўдзел у конкурсе эсэ, што праходзіў у межах Міжнароднага культурна-асветніцкага праекта «Перазоў стагоддзяў: Першая сусветная вайна і мір сёння».

Графічныя работы пераможцаў конкурсу "На сваёй зямлі" з розных краін былі прадстаўленыя ў выставачнай зале Дзіцячай мастацкай школы г. Віцебска з 15 чэрвеня па 25 жніўня. Гэта ўжо другая выстава конкурсу ў Віцебску, і зноў яна адбылася дзякуючы калектыву школы.

Зусім яшчэ нядаўні спакойны наш час раптам зрабіўся бурным і жахлівым. Калі глеба сыходзіць з-пад ног, нецярпімасць перамагае дабрыню, амбітныя міражы засцілаюць розум, міжволі паўстае жаданне звярнуцца да мінулага, дзе ўсё гэта ўжо было. Ці дорага каштавала гэткае шаленства нашай зямлі і нашым далёкім продкам, каб нам паўтараць яго зноў?.. Давайце разам з сённяшняга дня зазірнем ў нашую агульную гісторыю, адкрыем шчыра палітыя крывёю шматпакутныя старонкі мінулага, каб здабыць адвечныя ўрокі жыцця на зямлі.