Умовы 10-га Міжнароднага конкурсу жывапісу і графікі "На сваёй зямлі"

Грамадская арганізацыя "Беларускі зялёны крыж" сумесна з Міністэрствам адукацыі, Міністэрствам культуры, Міністэрствам прыродных рэсурсаў і аховы навакольнага асяроддзя Рэспублікі Беларусь абвяшчае 10-ты Міжнародны конкурс жывапісу і графікі "На сваёй зямлі":

МЭТЫ:

• Пошук, падтрымка і прадвіжэнне юных і маладых таленавітых мастакоў, прадстаўленне іх работ шырокай аўдыторыі.
• Захаванне і развіццё традыцый нацыянальнай і рэгіянальнай мастацкай адукацыі. Актуалізацыя ролі педагога-мастака ў навучальным працэсе.
• Стварэнне фонду творчых работ дзяцей і моладзі з розных краін і рэгіёнаў для аналітычнай, метадычнай
  і выставачнай дзейнасці.

ТЭМЫ:

«На сваёй зямлі» – традыцыйная вольная тэма конкурсу. Таксама прапануюцца некалькі тэм, якімі ўдзельнікі могуць скарыстацца па жаданні:

• "Слова пра паход Ігараў": Зусім яшчэ нядаўні спакойны наш час раптам зрабіўся бурным і жахлівым. Калі глеба сыходзіць з-пад ног, нецярпімасць перамагае дабрыню, амбітныя міражы засцілаюць розум, міжволі паўстае жаданне звярнуцца да мінулага, дзе ўсё гэта ўжо было. Ці дорага каштавала гэткае шаленства нашай зямлі і нашым далёкім продкам, каб нам паўтараць яго зноў?.. Давайце разам з сённяшняга дня зазірнем ў нашую агульную гісторыю, адкрыем шчыра палітыя крывёю шматпакутныя старонкі мінулага, каб здабыць адвечныя ўрокі жыцця на зямлі.
• Аповеды, казкі і басні Л.М. Талстога: Сто год таму яны былі вельмі папулярныя. Давайце перачытаем іх сёння!
• Мая сям’я: Сямейная рэліквія, гонар майго роду, сям’я вялікая і маленькая, штодзённыя сямейныя клопаты і святы.
• У садочку, у гародзе: Сад, агарод, летішча, вучастак ля дома, клумба з кветкамі – месца, якое даглядаеш ты і твае родныя.
• Вандроўка: Экскурсія, паход з заплечнікам пешшу альбо любым транспартам ад самаката да самалёта. Любая іншая самая неверагодная вандроўка, якую здолееш прыдумаць.
• Мы гуляем, мы танцуем, мы спяваем!
• Зімовыя матывы

УМОВЫ ЎДЗЕЛУ Ў КОНКУРСЕ:

1/ Узрост удзельнікаў АД 5 ДА 18 ГОД ўключна.

2/ Конкурсная работа павінна быць ТВОРЧАЙ і САМАСТОЙНАЙ, выкананай У ГОД ПРАВЯДЗЕННЯ КОНКУРСУ.

3/ Конкурсная работа можа мець ЛЮБЫ ПАМЕР, у раму альбо паспарту не афармляецца.
З адваротнага боку кожнай работы запаўняецца РЭГІСТРАЦЫЙНАЯ ФОРМА па ўзоры, што знаходзіцца на сайце конкурсу.

Спампаваць рэгістрацыйную форму

4/ Дасланыя на конкурс работы не рэцэнзуюцца і НЕ ВЯРТАЮЦЦА аўтарам. Арганізатары пакідаюць за сабой права ўзнаўляць іх з мэтай папулярызацыі і развіцця конкурсу, выкарыстоўваць у метадычнай і благачыннай дзейнасці без згоды аўтара і без выплаты аўтарскага ўзнагароджання.

ТЭРМІН ПАДАЧЫ РАБОТ НА КОНКУРС:

Работы  прымаюцца З 1 КАСТРЫЧНІКА ПО 31 СНЕЖНЯ 2014 г. па паштовым адрасе:

Грамадская арганізацыя "Беларускі зялёны крыж"
Конкурс "На сваёй зямлі"
222 201, г. Смалявічы,
Рэспубліка Беларусь

(Указаны адрас – поўны; работы забіраюцца арганізатарамі непасрэдна з паштовага аддзялення)

Просім усіх удзельнікаў карыстацца ЗВЫЧАЙНАЙ ПОШТАЙ ці экспрэс-службай EMS. На пасылках НЕ ПАЗНАЧАЙЦЕ кошт (вартасць) грузу.

ПАДВЯДЗЕННЕ ВЫНІКАЎ:

Журы разгледзіць конкурсныя работы ў лютым 2015 года і вызначыць Лаўрэатаў і Дыпламантаў конкурсу. Работы лаўрэатаў увойдуць у экспазіцыю выніковай выставы і будуць прадстаўлены ў электроннай галерэі на сайце конкурсу www.children-art.org.

10-я МІЖНАРОДНАЯ ВЫСТАВА ЖЫВАПІСУ І ГРАФІКІ "НА СВАЁЙ ЗЯМЛІ" адкрыецца ў красавіку 2015 года ў Мінску.

АРГАНІЗАТАРЫ:

Грамадская арганізацыя "Беларускі зялёны крыж"
Міністэрства культуры Рэспублікі Беларусь
Міністэрства адукацыі Рэспублікі Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь

КАНТАКТНАЯ ІНФАРМАЦЫЯ:

(+375 17) 327 79 54, (+375 17) 76 56 441
(+375 29) 627 79 23, (+375 29) 667 57 80

This e-mail address is being protected from spambots. You need JavaScript enabled to view it.
www.children-art.org

ЗАПРАШАЕМ ВАС ДА ЎДЗЕЛУ Ў НАШЫМ КОНКУРСЕ!